حوزہ نیوز ایجنسی کی رپورٹ کے مطابق، 12 محرم الحرام (ایک روایت کے مطابق) حضرت امام سجاد علیہ السلام کا یومِ شہادت ہے۔ اسی مناسبت سے حوزہ نیوز ایجنسی نے ان کی آخری وصیت شائع کرنے کا شرف حاصل کیا ہے۔

امام محمد باقر علیہ السلام فرماتے ہیں کہ "جب میرے والد گرامی اس دنیا سے رخصت ہو رہے تھے تو انہوں نے مجھے اپنے سینے سے لگایا اور فرمایا: میں تمہیں وہ وصیت کرتا ہوں جو میرے باپ نے وقتِ آخر مجھے نصیحت فرمائی تھی اور وہ نصیحت یہ ہے کہ حق کے راستے میں صبر و استقامت سے کام لو اگرچہ حق تلخ ہے"۔ (وسائل الشیعه، ج ۱۱، ص ۱۸۷)